2025 он гэхэд нисдэг машинаар зорчино

Д.Бизьяа

Анд нөхдийн мэдээ

2023-07-04

“Tesla” компанийн “SpaceX”-ийн дэмжлэгтэйгээр бүтээсэн нисдэг цахилгаан машиныг АНУ-ын Засгийн газраас анхны туршилтын нислэг хийхийг зөвшөөрсөн тухай “Business Insider” мэдээлэв. АНУ-ын Калифорни мужид байрладаг “Aleph Aeronautics” компани А загварын нисдэг цахилгаан тээврийн хэрэгсэл нь Холбооны нисэхийн удирдлагын газраас нисэх чадварын тусгай гэрчилгээ авснаа зарласан байна. Нисэх чадвар гэдэг нь нисэхэд тохиромжтой онгоцны аюулгүй байдал, найдвартай байдлыг хэлнэ. Нисэх чадвартай тээврийн хэрэгсэлд анх удаа ийм гэрчилгээ олгож байна гэж “Aleph Aeronautics” мэдээлсэн байна. Замын жолоодлогын болон босоо тэнхлэгийн дагуу хөөрөх хүчин чадалтай энэхүү загвар нь хоёр хүний багтаамжтай бөгөөд машин замаар явахад 322 км, нисэх үед 177 км замыг туулах чадвартай ажээ. Борлуулалтын үнэ 300 мянган доллар орчим хүрэх төлөвтэй байна. “Aleph Aeronautics” компанийн гүйцэтгэх захирал Жим Духовни “2025 он гэхэд бид тэнгэрт машин харах болно” гэжээ.