Хойд Солонгосын алдартай тамирчин, дасгалжуулагч Азийн наадмын шүүгчээр ажиллаж байна

Д.Бизьяа

Анд нөхдийн мэдээ

2023-10-03

   Хойд Солонгосын Олон улсын олимпийн хорооны гишүүн асан Жан Вуны охин, олон улсын волейболын шүүгч Жан Жонг Хян Ханжөүгийн Азийн наадмын шүүгчээр ажиллаж байна. Шүүгч Жан нь өнгөрсөн сарын 25-нд БНХАУ-ын Шаосин хотын Спортын төв ордонд болсон Ханжөүгийн Азийн наадмын волейболын эрэгтэйчүүдийн чансааны тоглолтын Индонез-Казахстаны тоглолтын туслах шүүгчээр, мөн өнгөрсөн сарын 30-нд Ханжөүгийн Багшийн их сургуулийн зааланд болсон эмэгтэйчүүдийн тоглолтод Тайвань-Монголын багийн тоглолтод мөн туслах шүүгчээр ажиллажээ. Тэрбээр дунд сургуульд байхаасаа эхлэн волейбол тоглож эхэлсэн бөгөөд Хойд Солонгосын Чусоны биеийн тамирын их сургуулийг төгсөөд Пёнянг хотын эмэгтэйчүүдийн волейболын дасгалжуулагчаар ажилласан байна. Улмаар 2010 онд Азийн волейболын холбооны шүүгчийн хорооны мэргэшлийн шалгалтад тэнцэж, олон улсын шүүгчээр ажиллаж юм. Түүний аав сагсан бөмбөгийн тамирчин асан Жан Вун нь 1996 онд ОУОХ-ны Ерөнхий Ассемблейн хурлаар ОУОХ-ны гишүүнээр сонгогдсон бөгөөд сүүлийн 20 жилийн турш эх орноо төлөөлөн олон улсын спортын ертөнцөд идэвхтэй ажилласаар иржээ. Тэрбээр хамгийн сүүлд 2018 оны Пёнчаны өвлийн олимпийн наадмыг үзэхээр Өмнөд Солонгост очсон ч эрүүл мэндийн шалтгааны улмаас хаалтын ажиллагааг үзэж чадалгүй нутаг буцсан байна.