Нобелийн шагналтан оргилуун дарс тулгаж баяраа тэмдэглэнэ

Д.Бизьяа

Анд нөхдийн мэдээ

2023-10-04

Физикийн салбарын Нобелийн шагналын эзэн болсон Германы Макс Планкийн нэрэмжит квант оптикийн хүрээлэнгийн эрдэмтэн Ференц Краузе энэхүү нэр хүндтэй шагналаа тэмдэглэж хамтрагчидтайгаа хамт оргилуун дарс тулгах гэж байгаа тухайгаа хэлсэн байна. Шведийн мэдээллийн агентлаг түүнтэй утсаар холбогдож сэтгэгдлийг нь сонсоход талархсанаа илэрхийлээд дээрх хариултыг өгчээ. Энэ өдөр бол нэгдсэн Герман улс байгуулагдсан баярын өдөр юм. Түүнийг судлаач эрдэмтэн Пьер Агостини, Энн Лхуллиер нартай хамтран аттосекунд импульсийн гэрэл үүсгэх туршилтын аргад оруулсан хувь нэмрийг нь үнэлж 2023 оны физикийн салбарын Нобелийн шагнал хүртээсэн билээ.