Дэлхийн байгаль хамгаалагчдын нэгдсэн чуулганд ой судлаач Г.Эрдэнэцолмон илтгэл тавина

Н.Ариунсайхан

Чихэнд чимэгтэй

2024-05-24

Франц улсад ирэх 10 дугаар сард болох Дэлхийн байгаль хамгаалагчдын X нэгдсэн чуулганы үндсэн илтгэгчдийн нэгээр Монголын байгаль хамгаалагчдын холбооны тэргүүн, ой судлаач Г.Эрдэнэцолмонг сонголоо. Тэрбээр “Читван-2019” чуулганаас гарсан тунхаглалыг Монголд хэрхэн хэрэгжүүлснийг илтгэж, нэг цаг 30 минутын хөтөлбөр зохион байгуулах ажээ. Уг чуулганд дэлхийн өнцөг булан бүрээс байгаль хамгааллын чиглэлээр үйл ажиллагаа явуулдаг 1000 орчим төлөөлөл оролцон дараагийн дөрвөн жилд хэрэгжүүлэх ажлын стратегийг хэлэлцэх юм. Чуулганд манай улс шийдвэр гаргагчид, Монголын байгаль хамгаалагчдын холбоо зэрэг өргөн бүрэлдэхүүнтэй оролцоно.