Улаанбаатар: Ирэх сараас дугаарын хязгаарлалт үйлчлэхгүй

Н.Ариунсайхан

Чихэнд чимэгтэй

2024-08-28

Хичээлийн жил эхэлснээр Улаанбаатар хотын замын хөдөлгөөний ачаалал эрс нэмэгддэг тул автомашиныг улсын дугаарын тэгш, сондгойгоор нь ялган замын хөдөлгөөнд оролцуулдаг байсан билээ. Тэгвэл ирэх сарын 1-нээс энэ хязгаарлалт үйлчлэхгүй. Замын хөдөлгөөний түгжрэл, ачааллыг бууруулах богино хугацааны ажлын төлөвлөгөөг Нийслэлийн Засаг дарга энэ сарын 12-ны өдөр баталсан юм. Энэ төлөвлөгөөнд ирэх сарын 14-нийг хүртэл Улаанбаатар хотод бүртгэлтэй төрийн байгууллагуудын тээврийн хэрэгслийн 50 хувийг замын хөдөлгөөнд оролцуулахаар шийдвэрлэсэн билээ. Мөн есдүгээр сарын 1-нээс орон нутгийн дугаартай автомашинууд нийслэлд 48 цагаас илүү зорчвол хоног тутамд 5000 төгрөг төлдөг байхаар зохицуулсан байна.