Монголын энхийг сахиулагчид Өмнөд Судан руу мордлоо

Н.Ариунсайхан

Чихэнд чимэгтэй

2024-10-17

Монголын Зэвсэгт хүчний 14 дүгээр ээлжийн цэргийн багийн бүрэлдэхүүний эхний хэсэг өнөөдөр Өмнөд Суданыг зорьж, ар гэрийнхэн нь үдэж өглөө. Тэд эх орондоо бэлтгэл сургуулилтад хамрагдаж энэ мягмар гарагт жанжин тугандаа хүндэтгэл үзүүлэн, Өмнөд Судан улсад явагдаж байгаа НҮБ-ын энхийг сахиулах “UNMISS” ажиллагаанд Монголыг төлөөлөх хариуцлагатай үүрэг гүйцэтгэхээр явж байна. Монголын Зэвсэгт хүчин 2012 оноос НҮБ-ын энхийг сахиулах ажиллагаанд цэргийн багаа тасралтгүй илгээсээр байгаа юм. Монгол улс энэ үзүүлэлтээрээ 120 улсаас наймдугаарт, эмэгтэй цэргийн алба хаагчдын оролцоогоор 16 дугаарт, Зүүн хойд Азийн орнуудаас нэгдүгээрт эрэмбэлэгдэж байна.

Гэрэл зургийг "Соёмбо" сонин.