Японы эзэн хааны гэр бүлийнхэн бичсэн шүлгээ уншив

Б.Бадамзул

Анд нөхдийн мэдээ

2024-01-22

Жил бүр болдог Японы эзэн хааны шинэ жилийн шүлгийн уншлага өнгөрөгч баасан гарагт болж, хаан Нарүхито, хатан Масако, гүнж Айко, ханхүү Фүмихито, гүнж Кико нар оролцов. Энэ жилийн яруу найргийн уншлагын сэдэв нь энх тайван бөгөөд шүлгээ эртний танка шүлгийн маягаар 5-7-5-7-7 гэсэн 31 үетэйгээр бичдэг байна. Яруу найргийн уншлагад зориулан эзэн хаан Нарүхитогийн бичсэн шүлгийг Эзэн хааны мэдээллийн агентлаг албан ёсоор англи хэлээр орчуулан олон нийтэд сонирхуулжээ.

“Seeing the smiles of the people

I meet during my many journeys

Throughout the country”

Харин хатан Масако өдгөө 22 настай охиноо ахлах сургуулийн гуравдугаар ангид байхдаа Хирошимад анх очсон тухай бодож дараах шүлгийг бичсэн байна.

“How moved I was to read

My daughter's deep feelings for peace

After her first visit

To Hiroshima”

Гакүшюүин их сургуулийн япон хэл, уран зохиолын ангийн оюутан Айко гүнж энх тайвны тухай:

“Surviving centuries of hardship

The words of Waka poems

Touch my heart today” хэмээн бичжээ. Яруу найргийн уншлагын өдөр тус улсын эзэн хааны гэр бүлийнхэн 10 шүлэг уншсан бол иргэдийн дунд нээлттэй зарласан уралдаанд 15 мянга гаруй шүлэг ирснээс шилдгүүдийг тодруулан ордондоо урьж уншуулсан байна.